目錄 購物車 {{currentCart.getItemCount()}}
商品總數的上限為 50 件,請調整數量再點擊購買

過年想食得健康?記得要注意呢3點

又到農曆年,親友聚埋一齊,稍一不慎隨時會食多咗、食滯咗。究竟點先可以開心過年,同時過得健康?小編整理咗幾個貼士,大家一齊睇睇過年飲食嘅秘訣!

團年飯同開年飯

團年飯及開年飯,通常都係多肉少菜和味道較濃,好易攝取大量嘅動物脂肪同鹽分!以下係一啲預備食物嘅健康貼士:

 

  • 少用高脂肪的材料,例如:腩肉、家禽的皮、豬腳和鷄腳等
  • 少用含高膽固醇的食物,例如: 內臟、蝦膏和蟹膏等
  • 少用醃製及含大量鹽分的肉類,例如: 鹹魚、臘腸和燒味等
  • 多預備低脂烹調的蔬菜,如上湯浸、焯、少油快炒的葉菜、瓜類、菇類和豆類等
  • 選擇脂肪含量較低的肉類或其代替品,如魚、海鮮及海味( 如海參及乾瑤柱等) ,但分量也要適可而止

「有營」零食

拜年三五知己住埋一枱,有冇發現零食比起橫財更「就手」?團聚閒談時總會吃吃喝喝,但唔少賀年小吃或零食都是高脂、高糖,熱量爆燈,「唔覺唔覺」食多咗隨時有增磅危機!

如果怕小朋友食多咗,家長亦可選購小巧獨立包裝的小食,以控制小朋友進食份量。全盒內放較健康的賀年食物,包括原味果仁、種籽和無添加油鹽糖的乾果,少放朱古力或果汁糖等糖份較高的糖果。比較健康嘅純素糕點都有唔少選擇。

精明食盆菜

美味盆菜嘅,好易令人不知不覺食到太飽,返到屋企頂住肚皮先發現「中伏」!盆菜一般主打海鮮、燒味、海味等等,但當中嘅熱量、脂肪、蛋白質、鈉質都唔少,好多食物炆完,吸收餸汁後都會變得更肥,係導致水腫的元兇。

如果想比較健康,可以「食餸又食飯」,有助增加飽腹感,同時亦應該避免進食太多汁料。如果驚唔夠飽,可另加一碟白焯菜,又或者可以考慮下素盆菜!

睇睇「極品素盆菜」:

總括嚟講,新年想食得「有營」,其實唔難!只要在準備禮物、飯菜嘅時候停一停、諗一諗,就可以輕鬆避開高熱量、高脂肪嘅陷阱。最後提一提,Taste of Veg網上綠色年宵都有唔少適合大家嘅健康、素食產品,希望同大家一齊送鼠迎牛。最後祝各位Taste of Veg會員萬事順利,牛年更健康!