去拜年最常收到嘅賀禮莫過於某幾個大品牌嘅曲奇、餅乾、朱古力等等，係咪覺得無嚟新意又單調？更重要嘅係，呢啲食品好多時都會熱量超標，隨時食幾塊已經等於一碗飯的熱量。

其實只要動少少心機，就可以買到健康又特別嘅新年賀禮。市面有唔少綠色健康零食同產品，除咗唔會令人覺得「hea送」，仲可以顯示出對親友健康嘅關心，一舉兩得！

茶葉禮盒

飲茶有唔少益處，例如降低心與腦血管疾病的風險、降血糖與預防糖尿病，抗焦慮與減輕壓力等，絕對適合關注健康嘅朋友！新年送茶葉禮盒，體面之餘又實用，兼且幫到親友開啟健康嘅新一年，可以話一舉幾得！

糕點

平時食大品牌嘅糕點，好易食到膩？可以考慮一下素食或者手工製嘅特式產品，除咗比較健康之外，亦盡顯心思！

Taste of Veg新年糕點大特集

走塑用品

不少人都想加入「走塑」一族，令生活更環保、更綠色，而過年就是最適合起動嘅時候！加上近來唔同物品都有由新物料製成嘅版本，例如環保飲管、食物袋等等，真係非常吸引！

所以，環保家品、餐具都係我哋熱門之選。一來別具意義，二來物件又可以keep住用，夠晒實用！

素肉類

搶心朋友家中「半素半肉」，送素食未必適合所有人嘅口胃？依家市面有好多植物性（plant-based）產品，例如近年大熱嘅Beyond Meat、Impossible Food、Omnipork等等。有肉類嘅口感但不會殘忍，係全家都適合嘅食物！

天然個人護理品

個人護理總唔能夠忽視，特別係貪靚嘅女士們！無論係衛生用品例如有機肥皂、洗髮液，定係護膚產品好似修護膏、Mask等等，都係女士們大熱之選！

睇咗咁多，仲未夠喉？Taste of Veg網上綠色年宵仲有好多送禮提案，如果您同朋友仲未諗到送咩，記得上嚟望望，可能會發現驚喜！

提提您，Taste of Veg同大家一齊過新春，今年仲特意推出新年素貨優惠區，等大家可以用最優惠價格買到心頭好，立即就去睇睇吧！